Մետրոյի գնացքը վրաերթի է ենթարկել 38-ամյա քաղաքացու. նա մահացել է

Երևանում մետրոպոլիտենի «Գործարանային» կայարանից դեպի «Սասունցի Դավիթ» բաց հատվածում գնացքը վրաերթի է ենթարկել մետրոյի երիտասարդ աշխատակցին։  Տեղեկությունը Իրավաբան.netի  հետ զրույցում հաստատեցին քննչական կոմիտեից։

«Նախնական տվյալների համաձայն՝ սեպտեմբերի 6-ին . ժամը 00.15-ին, մետրոպոլիտենի տարածքում հերթական գիշերային պլանային գծային աշխատանքներ իրականացնելիս ժամանակ տնտեսական գնացքի մեքենավարը նշված գնացքով վրաերթի է ենթարկել 1979թ. ծնված տղամարդուն, ով նույնպես նույն մետրոպոլիտենի աշխատակից է։ Վերջինս ստացած մարմնական վնասվածքներից մահացել է»,- հայտնեցին քննչական կոմիտեից։

Ոստիկանությունից տեղեկացնում են, որ նշանակվել է դատաբժշկական փորձաքննություն: Մահացածը Հովհաննես Ավետիսյանն է: Դեպքը տեղի է ունեցել Կ.Դեմիրճյանի անվան մետրոպոլիտենի «Գործարանային» կայարանից դեպի «Սասունցի Դավիթ» կայարան տանող բաց տարածքի 44-րդ միջնամասում՝ գծերի վրա:

Կատարվում է քննություն:

Այս թեմայով

Լրահոս
Ամենաընթերցվածները
Մամուլի տեսություն