Երևան, 24.11.2017, 18:46,

Գեղարքունիքի մարզպետը գոհ է Սեւանում ընթացող բարեկարգման աշխատանքներից

Այսօր՝ սեպտեմբերի 4-ին, Գեղարքունիքի մարզպետ Կարեն Բոթոյանն աշխատանքային շրջայց է կատարել Սեւան համայնքնում, որի ընթացքում Սեւանի քաղաքապետ Սարգիս Մուրադյանի ուղեկցությամբ ծանոթացել է  քաղաքում ընթացող ասֆալտապատման աշխատանքներին։

Ինչպես հայտնում է Գեղարքունիքի մարզպետարանի մամուլի ծառայությունը, մարզպետը մասնավորապես  եղել է Սեւանի Աբովյան, Սեւանեցու փողոցներում, ինչպես նաեւ այցելել  է համայնքի  ջանքերով  հիմնանորոգված  բազմաբնակարան շենքերի բակային տարածքներ։

Շրջայցի ընթացքում Սեւան  համայնքի ղեկավարը մարզպետին ներկայացրել է  նաեւ տեղեկատվություն՝ քաղաքի մնացած  տարածքներում բարեկարգման ենթակա  աշխատանքների  նախապատրաստման մասին, զուգահեռաբար քննարկվել է նաեւ ֆինանսական լրացուցիչ աղբյուրների ստեղծման հնարավորությունները։

Այցի ավարտին  մարզպետ Կարեն Բոթոյանն իր գոհունակությունն է հայտնել  Սեւան քաղաքում իրականացվող  աշխատանքների  վերաբերյալ,  եւ նշել, որ  մարզի արագ զարգացումն ապահովելու կարեւոր նախապայմաններից մեկն էլ  համայնքների ղեկավարների  կողմից  աշխատանքի հանդեպ  ցուցաբերած պատասխանատվությունն ու հետեւողականությունն է, որը  կարելի է  տեսնել Սեւան քաղաքում։ 

Այս թեմայով

Լրահոս
Ամենաընթերցվածները
Մամուլի տեսություն