VIDEO.Թող ՍՈՒ-30 կործանիչներով ժամանեին Գեղարքունիքի մարզի հիվանդանոց

LIVEnews.am-ի «Երկրորդ կարծիք» հաղորդաշարի հյուրն է Newsmedia.am լրատվական գործակալություն տնօրեն Գայանե Զարգարյանը, որի հետ խոսեցինք մեզանում մի շարք խնդրահարույց թեմաներից՝ մասնավորապես անդրադառնալով ոստիկանության համակարգին, լրագրողների նկատմամբ հնչող ատելության խոսքին, ընտրովի արդարադատությանը: Ինչպե՞ս են կարողանում լրագրողներն օբյեկտիվ տեղեկատվություն ապահովել այն դեպքում, երբ ամենաբարձր մակարդակով լրագրողների և լրատվամիջոցների նկատմամբ ամենատարբեր սպառնալիքներ են հնչում, մեղադրանքներ ու զրպարտություններ։ Գայանե Զարգարյանի դիտարկմամբ՝ ցավոք լրատվամիջոցները թիրախավորվում են հենց վարչապետի կողմից, որը վերջերս հայտարարեց, թե հայկական լրատվամիջոցների 99 տոկոսը վաճառված է։ Մինչդեռ երբ Նիկոլ Փաշինյանն էր ընդդիմություն, սեփական մաշկի վրա լավ է զգացել մամուլի նկատմամբ ամենատարբեր հարձակումները։ Եվ հիմա նույնն ինքն է անում։
Մեր նախորդ հանդիպման ընթացքում խոսելով իրավական, դատաիրավական ոլորտում առկա խնդիրներին, Գայանե Զարգարյանը նշել էր, որ եթե ընտրովի արդարադատությունը շարունակվի, ապա ականատես ենք լինելու փողոցային հաշվեհարդարների, և ինչպես վարչապետն էլ վերջերս իր խոսքում ասել էր՝ սամասուդների: Փաստորեն այսօր ականատես ենք լինում նրա՝ դեռևս ամիսներ առաջ կանխատեսած սցենարներին, որի վառ օրինակը Գավառի ողբերգական միջադեպն էր: Եվ եթե տարբեր գործիքներով ու միջոցներով այս ամենը չկանխվի այսօր, ապա վաղն ավելի վատ սցենարներ են ուրվագծվելու։
Մանրամասները՝ տեսանյութում

Այս թեմայով

Լրահոս
Ամենաընթերցվածները
Մամուլի տեսություն