Իրազեկում՝ քաղաքացիներին. պարտապանի գույքն արգելանքից կարող է հանվել նաև իրավական նոր հիմքերով

Հարկադիր կատարման ծառայությունն իրազեկող հայտարարություն է տարածել, որում, մասնավորապես, նշված է.

«Հարգելի քաղաքացի,

Տեղեկացնում ենք, որ 04.08.2019թ. ուժի մեջ է մտել ««Դատական ակտերի հարկադիր կատարման մասին» Հայաստանի Հանրապետության օրենքում լրացումներ և փոփոխություններ կատարելու մասին» ՀՀ օրենքը, որի 44.1-րդ հոդվածով սահմանվել են գույքն արգելանքից հանելու իրավական նոր հիմքեր:

Արգելանքի տակ գտնվող պարտապանի գույքը հարկադիր կատարողի որոշմամբ արգելանքից հանվում է նաև եթե`

• դրամական միջոց չհանդիսացող գույքի նկատմամբ կիրառված արգելանքն ակնհայտորեն գերազանցում է պահանջատիրոջ պահանջի և կատարողական գործողությունների կատարման ծախսերի չափը,

• դրամական միջոցների նկատմամբ կիրառված արգելանքը գերազանցում է պահանջատիրոջ պահանջի և կատարողական գործողությունների կատարման ծախսերի չափը,

• պարտապանի պարտավորությունը մասնակի կատարվել է»:

Այս թեմայով

Լրահոս
Ամենաընթերցվածները
Մամուլի տեսություն