Երևան, 22.08.2019, 04:43,
Երևանում ոստիկանությունն ուժեղացված ծառայության ընթացքում մի շարք օրինախախտների է բերման ենթարկելՄի մարդ, ով կարողացավ մի գիշերում ուրանալ մարտական ընկերոջը, Սուրիկ Խաչատրյանին` կուրանար ու կուրանարԱյսօր Արցախյան ազատամարտի մասնակից Առաքել Մովսիսյանի Ծննդյան Տարեդարձն է«Զիբլոտ Երևան» տրագիկոմեդիան շարունակվում է». Գագիկ Համբարյան«Իրավապահների մասկարադը հասավ Ապարան.հիմա իրավիճակին չե՞ն տիրապետում, թե՞ սխալ են զեկուցում»Մելիք Մանուկյանի դեմ կատարված սպանության փորձը՝ տեռորիզմի ժանրից էր... ՀՔԾ-ն՝ Աշոտյանի վարորդին ազատ արձակելու մասին«Երբեմն ուղղակի լռե՛ք, դա լավագույն լուծումն է». Արծրուն Հովհաննիսյան«Վտանգը զգալու դեպքում պետք է անմիջապես հարվածենք՝ ոչ թե սպասենք, որ իրենք հարվածեն».Մանվել Ղազարյան «Զինծառայողին սպառնացել են, որ նրա ծնողին կբերեն զորքի առաջ և կամաչացնեն». Ժաննա Ալեքսանյան

«Վտանգը զգալու դեպքում պետք է անմիջապես հարվածենք՝ ոչ թե սպասենք, որ իրենք հարվածեն».Մանվել Ղազարյան

Նախիջևանում Ադրբեջանի կողմից ռազմական ներկայության ամրապնդման և հայ-ադրբեջանական հնարավոր պատերազմում Նախիջևանի նշանակության մասին տեւական ժամանակ է, ինչ բարձրաձայնում են ռազմական փորձագետները: Վերջիններիս դիտարկամբ, Ադրբեջանը Նախիջևանում էականորեն ամրապնդում է իր ռազմական ներկայությունը, քանի որ տարածքի ռազմավարական նշանակությունը աճում է ինչպես Բաքվի, այնպես էլ Հայաստանի համար:

Լայնածավալ ռազմական գործողությունների վտանգ կա՞ այս պահին, թե՞ ոչ. Հնարավո՞ր է՝ թշնամին ռազմական գործողություններ վերսկսի հենց Նախիջեւանի հատվածից, հարցի պատասխանը Armenian Info-ն փորձեցինք ստանալ պատերազմի բովով անցած, հայտնի ազատամարտիկ ՄԱՆՎԵԼ ՂԱԶԱՐՅԱՆԻՑ, ով գրեթե բացառեց թշնամու առաջխաղացումը Նախիջեւանի կողմից, մանրամասնելով.

Картинки по запросу Մանվել Ղազարյան Վեդի Ալկո

-Նախիջեւանին դիտարկել որպես պոտենցիալ ագրեսոր՝ ես մի քիչ կասկածում եմ, հաշվի առնելով պատմական հիմքերը: Մենք գիտենք, որ 1921 թվականին ռուս-թուրքական պայմանագրով Նախիջեւանը տրվել է Ադրբեջանին, որը հետագայում վավերացվել է նաեւ մեր կողմից: Եվ ըստ իս, Նախիջեւանը ինքը ունի ավելի շատ պաշտպանության խնդիր: Երկրորդ, եթե մենք դիտարկենք Ադրբեջանին որպես ագրեսոր, ուրեմն պետք է կանխատեսենք նաեւ հայ-ադրբեջանական պատերազմի սկիզբ, այլ ոչ թե արցախյան պայքար: Ինչը իր հետ կարող է բերել տարածաշրջանային՝ ինչու ոչ , նաեւ համաշխարհային մեծ կոնֆլիկտ: Այսինքն ոչ մի տարբերություն չկա՝ վաղը կսկսվի Իրան-ԱՄՆ պատերազմը, թե Նախիջեւան-Հայաստան պատերազմը: 

Միեւնույն ժամանակ, իհարկե մենք մշտապես պետք է զգոն լինենք, որովհետեւ այ՛ո մենք ապահովագրված չենք թշնամու հանկարծակի ագրեսիայից:

«Ապրիլյանի դասերը. Մենք կարող էինք պարզապես նրանց հենց իրենց ելման կետում խեղդել»

-Պարոն Ղազարյան, թեեւ արցախա-ադրբեջանական սահմանին հարաբերական անդորր է, սակայն հանկարծակի պատերազմի վտանգը մշտապես մտահոգում է բոլորիս: Ըստ Ձեզ այդուհանդերձ հնարավո՞ր է թշնամին հանկարծակի հարձակման անցնի, ինչպես եղավ ապրիլյան քառօրյայի ժամանակ…
- Ադրբեջան-Արցախ հակամարտության գիծը մշտապես թեժ է՝ ինչքան էլ, որ կրակոցները պակասել են: Մենք ինչպես հայ-ադրբեջանական, այնպես էլ արցախա-ադրբեջանական սահմանում մշտապես պետք է զգոն, այսպես ասած, արթուն լինենք: Միայն մի բան կարող եմ ասել, որ ի տարբերություն 2016 թվականի՝ մեր բանակը այսօր շատ ավելի լավ վիճակում է:

Անկեղծ ասած, որպես պատերազմի բովով անցած մարդ , ապրիլյան պատերազմի  հետ կապված ունեմ բազմաթիվ հարցեր. Ինչո՞ւ պետք է ապրիլյան պատերազմը այդպես հանկարծակի սկսվեր, ինչո՞ւ մենք պետք է պատրաստ չլինեինք դրան, ինչո՞ւ հենց նրանց ելման գծում չհարվածեցինք: Որովհետեւ ես շատ լավ գիտեմ, սահմանին կանգնած ամեն մի զինվոր, սպա, շատ լավ տիրապետում է իրավիճակին, շատ լավ տեսնում է զորաշարժը: Մենք իրավունք չունեինք տեղյակ չլինելու այդ ամենից: Մենք կարող էինք պարզապես նրանց հենց իրենց ելման կետում «խեղդել»: Ես կարծում եմ, որ դա մեզ դաս եղավ եւ վստահ եմ, որ այլեւս նման բան չի կրկնվի, այսինքն այլեւս հանկարծակիի չենք գա՝ երբեւիցէ: Նաեւ ուզում եմ նշել, որ մեծ հպարտություն եմ զգում մեր երկրի բարձրագույն ղեկավարության հայտարարություններից, որ եթե թշնամու կողմից սադրանքի նման փորձ լինի, ապա շատ արագ կարող է պատերազմը տեղափոխվելու հակառակորդի տարածք: 

Մենք պետք է անընդհատ հետեւենք թշնամու զորքերի շարժին, եւ վտանգը զգալու դեպքում անմիջապես հարվածենք՝ ոչ թե սպասենք, որ իրենք հարվածեն:

-Պարոն Ղազարյան, ի դեպ, վերջերս ՀՀ Վարչապետ Նիկոլ Փաշինյանի՝ Արցախում արված հայտարարությունը «Արցախը Հայաստան է եւ վերջ» արտահայտությունը բազմաթիվ շահարկումների առիթ տվեց, դրան բավական ագրեսիվ արձագանքեց նաեւ Ադրբեջանը:Ի՞նչ կասեիք՝դրա վերաբերյալ:

-Գիտեք, վարչապետը ինքը բազմափորձ պետական գործիչ է, ուստի չեմ կարծում, որ նրա որեւէ հայտարարություն կարող է առանց հիմնավորման լինել: Մենք բոլորս էլ՝ Արցախը դիտարկում ենք որպես Հայաստան: Վարչապետի հայտարարության մեջ կա նաեւ պատասխան՝ մեր ներքին քաղաքական հակառակորդներին: Կան մարդիկ, ովքեր հայտարարում են, որ Արցախը ինքնուրույն պետություն է, եւ այլն, եւ այլն: Վարչապետի հայտարարությունը շատ ճիշտ էր, մենք այլ կերպ ուղղակի իրավունք չունենք մտածելու:
Ինչ վերաբերում թշնամի երկիր շահարկումներին, ապա հավատացեք՝ միշտ էլ շահարկումների թեմաներ նրանց համար կգտնվեն: Ամեն դեպքում կարծում եմ, որ վարչապետի քաղաքական հայտարարությունը՝ շատ տեղին էր:

-Պարոն Ղազարյան, եւ ամենավերջին. խայտառակ եւ ամոթալի դեպքերի մասին: Ցավով, բոլորս ականատես եղանք՝ զոհված հերոսների շիրմաքարերի պղծման սարսափելի երեւույթի: Դուք, ի՞նչ մեկնաբանություն կտայիք այդ սրբապղծությանը:


-Դա անընդունելի երեւույթ է՝ մինանշանակ: Մեզ մոտ նման ցավալի երեւույթի իրական պատճառները բացահայտելու գործում մեծ դեր պետք է ստանձնեն իրավապահ մարմինները: Գուցե հետագայում պարզվի, որ գործ ունենք ինչ-որ միստիկ խմբի հետ, չգիտեմ, բակց երեւույթը անշուշտ շատ սարսափելի է, ու ցավալի է:

 

Armenian Info

Հայկական Տեղեկատվակ Պորտալ 

 

 

Այս թեմայով

Լրահոս
Ամենաընթերցվածները
Մամուլի տեսություն