Երևան, 22.08.2019, 04:27,
Երևանում ոստիկանությունն ուժեղացված ծառայության ընթացքում մի շարք օրինախախտների է բերման ենթարկելՄի մարդ, ով կարողացավ մի գիշերում ուրանալ մարտական ընկերոջը, Սուրիկ Խաչատրյանին` կուրանար ու կուրանարԱյսօր Արցախյան ազատամարտի մասնակից Առաքել Մովսիսյանի Ծննդյան Տարեդարձն է«Զիբլոտ Երևան» տրագիկոմեդիան շարունակվում է». Գագիկ Համբարյան«Իրավապահների մասկարադը հասավ Ապարան.հիմա իրավիճակին չե՞ն տիրապետում, թե՞ սխալ են զեկուցում»Մելիք Մանուկյանի դեմ կատարված սպանության փորձը՝ տեռորիզմի ժանրից էր... ՀՔԾ-ն՝ Աշոտյանի վարորդին ազատ արձակելու մասին«Երբեմն ուղղակի լռե՛ք, դա լավագույն լուծումն է». Արծրուն Հովհաննիսյան«Վտանգը զգալու դեպքում պետք է անմիջապես հարվածենք՝ ոչ թե սպասենք, որ իրենք հարվածեն».Մանվել Ղազարյան «Զինծառայողին սպառնացել են, որ նրա ծնողին կբերեն զորքի առաջ և կամաչացնեն». Ժաննա Ալեքսանյան

Չի եղել և չկա որևէ ճնշում և ճնշման փորձ, իսկ հարաբերությունները իշխանության հետ հիանալի չեն, բայց նորմալ են․ Արման Թաթոյան

Ձեր նկատմամբ քաղաքական ճնշումներ կա՞ն, քաղաքական հեղափոխությունից հետո լավացե՞լ են ձեր գործունեության պայմանները, մինչև վերջ գնալու, ազատ խոսք ասելու հնարավորությունները, թե՞ ոչ: Նման հարց 2018թ-ի բյուջեի քննարկմանը ՄԻ պաշտպան Արման Թաթոյանին տվեց ԲՀԿ խմբակցության պատգամավոր Միքայել Մելքումյանը։

 

Արման Թաթոյանն ընդգծեց՝ իր աշխատանքը կատարում է արժանապատվորեն և հպարտ է այն աշխատանքով, որ կատարում է։

«Իմ նկատմամբ այն պահից սկսած, որ ես ընտրվել եմ այս պաշտոնում, չի եղել որևէ ճնշում: Ես առհասարակ չեմ սիրում զոհի հոգեբանություն»,-ասաց նա և հավելեց, որ ՄԻՊ աշխատանքը չափազանց բարդ է և իր նախորդ գործընկերներն առավելագույնն են դրել, որ համակարգը կայանա։

 

«Բայց այդ բարդությունները ՄԻՊ-ի համար են, դա նորմալ է և եթե ընտրվել եմ, պարտավոր եմ այդ բարդություններն անցնել։ Միայն ապրիլ-մայիսի իրադարձությունների օրերին (2018-ի հեղափոխությունը/խմբ.), նաև 2016թ-ի հուլիսյան իրադարձությունների օրերին (ՊՊԾ գնդի գրավում/խմբ.) հարաբերությունները չափազանց բարդ են եղել պետական մարմինների հետ։ Պնդում եմ՝ իհարկե, չի եղել և չկա որևէ ճնշում և որևէ ճնշման փորձ»,-ասաց նա և նշեց, որ ՄԻՊ-ը իրավական համակարգի բաղկացուցիչ մասն է, պետք է գործի որպես անկախ պաշտոնատար անձ։

Արման Թաթոյանը նաև նշեց, որ ինքը քննարկումներ է ունենում տարբեր պաշտոնյանների հետ՝ ՀՀ նախագահի, նախարարների, իրավապահ մարմինների ղեկավարների, վարչապետի հետ և բարձր է գնահատում նույն վարչապետի հետ այն հարաբերությունների որակն ու մակարդակը, որ կա։ Ըստ նրա՝ իր հեռուն գնալը և հարցերի բարձրացման խորությունը պայմանավորված է միայն իրեն վերապահված լիազորություններով, և օրինակ նույն 16-17-ին ավելի քիչ լիազորություն ունեին, քան 2018-ին։

Միքայել Մելքումյանն արձագանքեց, որ եթե իշխանությունների հետ ունի հիանալի հարաբերություններ, այդ դեպքում պետք է սարեր շուռ տան։

Թաթոյանն ընդհատեց․ «Հիանալի չէ, նորմալ»։

Այս թեմայով

Լրահոս
Ամենաընթերցվածները
Մամուլի տեսություն