Երևան, 05.07.2020, 01:01,

Ցնծում է գեներալ Մանվելի շրջապատը

ArmenianInfo.am-ին հասած տեղեկություններով ՝ Նիկոլ Փաշինյանի վարչապետ դառնալու իրողությունների ֆոնին, հատկապես մե քեֆ, մե ուրախություն է տիրում  ԵԿՄ-ականների շրջանում:

Տարածված լուրերի համաձայն, գեներալ Մանվելի մերձավոր շրջապատում, մի քանի օր է, ինչ քեֆ-ուրախություն, ու կերուխում են կազմակերպում՝ անկեղծանալով որ ամեն ինչ դեռ առջեւում է ….
Ըստ նույն լուրերի, ԵԿՄ–ականներից շատերը բացահայտ անկեղծանում են, որ իրենք վաղուց են դժգոհել  օրվա իշխանություններից, եւ որ ներկա գործընթացների համար շատ ուրախ են:

Ի դեպ, Էջմիածնում, ու հատկապես ԵԿՄ-ականների շրջանում տիրող տրամադրությունների շուրջ, ArmenianInfo.am-ն փորձեց ստանալ նաեւ ԵԿՄ վարչության նախագահի խորհրդական Վարդան Վարդանյանի կարծիքը, ով լսելով հարցը պատասխանեց.«ԵԿՄ-ն մեզ պատերազմ պարտադրած թուրքին խաղաղություն է պարգևել և դարձել բանակի հիմքը: Այն ժամանակ Վազգեն Սարգսյանն ասաց, որ եթե վարչության կազմում լինեն միայն պատերազմի մասնակիցներ, այն կվերածվի ծերացող կառույցի , և որոշվեց,որ կառույցում լինեն և մտավորականներ, և երիտասարդներ: Ապա կառույցը սկսեց ղեկավարել Մանվել Գրիգորյանը, ով այն ավելի ընդլայնեց և հզորացրեց: Այսօր էլ, անկախ երկրում տիրող իրավիճակներից, մենք մեր աշխատանքն ենք անում, մենք միշտ սահմանապահների կողքին ենք: Հավանաբար հիշում եք, թե ինչպես ապրիլյան պատերազմի ժամանակ 20 ժամվա ընթացքում հավաքվեցին 3000-ից ավելի երկրապահներ և կանգնեցին մեր տղաների կողքին: Այսօր էլ, երկրապահը միշտ զբաղված է այդ գործերով: Երկրապահի համար մեծ հաշվով կարևոր չէ` ով կլինի իշխանություն: Մենք շարունակելու ենք մեր գործն անել: Չնայած, մենք միշտ կապ ենք պահում իշխանության հետ, սակայն անձը չի հետաքրքրում: Կարևորը՝ լավ ղեկավար լինի : 

Իսկ ինձ համար, եթե իհարկե իմ կարծիքն ինչ–որ մեկին հետաքրքրում է , լավ է ՝ եթե լինի Նիկոլ Փաշինյանը: Բնականաբար, երկիրը չի կարող  միեւնույն մարդկանց ձեռքում լինել, պետք է երբեմն փոփոխությունների գնալ:
Իսկ խնջույնքի, քեֆի մասին ես ձեզանից եմ լսում: Ես առավոտից երեկո լինում եմ վարչությունում, բայց նման բանի ականատես չեմ եղել:
Մայիսի 8-ին էլ երկրապահի օրն է, և բնականաբար նշելու ենք, հիմա ի՞նչ, նորից պետք է կապվի Նիկոլ Փաշինյանի վարչապետ դառնալ-չդառնալու հե՞տ» :
Իսկ թե ինչ է եղել իրականում, որը , գուցե և վրիպել է Վարդան Վարդանյանի աչքից ու ականջից, կներկայացնեն հաջորդիվ...


Ա. Առաքելյան

 

Այս թեմայով

Լրահոս
Ամենաընթերցվածները
Մամուլի տեսություն