Երևան, 21.11.2019, 15:36,
Իրականում ո՞վ է գաղտնալսել Արթուր Վանեցյանին, եւ թե ովքեր են գաղտնալսվել նախկին իշխանությունների օրոք«Հրապարակ»-ը տարածել է սուտ եւ կեղծ տեղեկություններ, որի արդյունքում կարող էին վտանգվել մարդկային կյանքեր«Կոչ եմ անում մնալ կոռեկտության սահմաններում». Գևորգ Գորգիսյանը՝ Աննա Կարապետյանին Մերկելը կարծում է, որ Գերմանիայի արևելքն և արևմուտքը կհավասարվեն կես դար հետոԱրտակարգ դեպք Լոռու մարզում. Վանաձորում վիճաբանություն-ծեծկռտուքից հետո կասկածյալներից մեկը առևանգել է Toyota Camry-ն. ըստ տեղեկությունների՝ նա եղել է ատրճանակովՌուսաստանի արտաքին գերատեսչության ղեկավարը նոյեմբերի 10-11-ը պաշտոնական այցով կգտնվի Երևանում«Թուրքիան, որն իրականացրել է Հայոց ցեղասպանությունը, չի վախենում իրականացնել նորը». Թուլսի Գաբբարդը կոչ է արել Թրամփին ու Սենատին ընդունել Հայոց ցեղասպանությունըՏեսանյութ.«Նաիրի Հունանյանը կարող է այնպիսի անուններ տալ, որ բոլորին խառնի իրար». Գագիկ ՄելքոնյանԱռերևույթ կոռուպցիոն չարաշահումներ «Արաբկիր» մանկական զբոսայգու տարածքում հողամասերի տրամադրման գործընթացներում«Պետք է սպասենք թուրքական և ամերիկյան կողմերի անդրկուլիսյան բանակցությունների արդյունքին». Ռուբեն Սաֆրաստյան

Ռուսաստանի թեմա չկա

«Առավոտ» թերթն իր խմբագրականում գրում է. «Ռուսաստանը կընդունի հայաստանյան ցանկացած իշխանության: Հայաստանյան ցանկացած իշխանություն կձգտի լավ հարաբերություններ կունենալ Ռուսաստանի հետ: ՌԴ ռազմաբազայի եւ ՀԱՊԿ-ի վերաբերյալ մեր հասարակության ճնշող մեծամասնության մեջ կա կոնսենսուս, եւ հիմնական՝ իշխանական, թե ընդդիմադիր քաղաքական ուժերը համաձայն են, որ այդ կառույցները պետք է պահպանվեն:

Հետեւաբար, այս հեղափոխությունը մեր ժողովուրդների եւ պետությունների բարեկամական կապերին ամենեւին էլ չի խանգարում եւ չի խանգարելու: Նրանք, որոնք հակառակն են պնդում, մտածում են ոչ թե մեր ժողովուրդների եւ պետությունների, այլ, այսպես ասենք՝ այլ բաների մասին: Եվ ավելին՝ այդ մարդիկ անվստահություն են սերմանում երկու բարեկամ ազգերի մեջ:

«Այս շարժումը Ռուսաստանի դեմ է» կեղծ, սադրիչ եւ վտանգավոր թեզը պաշտպանողներ կան թե՛ Հայաստանում, թե՛ Ռուսաստանում: Փոխվարչապետի եւ արտգործնախարարի պաշտոնակատարներին Մոսկվա ուղարկելը եւ Պուտինի աշխատակազմից 4 տողանոց «սատարող» հայտարարություն կորզելն այդ շրջանակներում է: Դե, իսկ հետո համապատասխան տեղերից ռուսաստանյան հեռուստաալիքներին հրահանգ է տված՝ այդ կեղծ թեզն առաջ տանելու, եւ հաստիքային քարոզիչները, նաեւ հայկական ազգանուններով, հիշում են հին երգը՝ «սա մայդան է»՝ չնայած տեսական եւ գործնական առումով ապացուցվել է, որ վերջին իրադարձությունները «մայդանին» ամենեւին նման չեն:

Ինչո՞ւ եմ ես «մայդանի» մասին խոսակցությունները սադրանք համարում: Որովհետեւ քաղաքական եւ «տեղեկատվական» փորձառություն չունեցող մարդիկ բուռն հակաքարոզչություն են ծավալում այդ կեղծ թեզի հետ՝ կամա թե ակամա քննադատելով Ռուսաստանի քաղաքականությունը: Քանի որ մեր հասարակական-քաղաքական դաշտում շատ մարդիկ ղեկավարվում են էմոցիաներով, այս փոխազդեցությունը բնական է:

Բայց ինչպես եւ բազմաթիվ այլ դեպքերում, ես կարծում եմ, որ որեւէ բան ասելուց կամ գրելուց առաջ պետք է գոնե 5 րոպե մտածել: Այնպես որ, Հայաստանի հարգարժան իշխանություններ, Ռուսաստանին մի՛ խառնեք այս պատմությանը: Նախ՝ դա անարդյունավետ է, երկրորդ՝ մտածեք, խնդրում եմ, ձեր արժանապատվության եւ երկրի վարկի մասին: Բայց եթե նույնիսկ իշխանությունները փորձում են «տղա բերել», դուք, հարգարժան քաղաքացիներ, լուրջ մի ընդունեք այդ փորձերը, բանավեճի մեջ մի մտեք: Հետաձգենք Ռուսաստանի թեման ավելի հանդարտ ժամանակների համար»:

 

Առավել մանրամասն՝ թերթի այսօրվա համարում

 

Այս թեմայով

Լրահոս
Ամենաընթերցվածները
Մամուլի տեսություն