Երևան, 15.12.2018, 22:51,
Իրավապահները հայտնաբերել են Արամ Հարությունյանի գործով հետախուզվողին. ով է նա և ինչով է հայտնիՄուրացիկ և թափառաշրջիկ երեխաների խնդիրներով մտահոգՏո, ա՛յ Ֆրանկլին Գոնսալեսներ, Փաշինյանը Ռուսաստանին դեռ Ձեր նիսյաները պիտի փակի, նոր մտածի մարտահրավերների մասին Տրանսպորտային միջոցների ղեկին չպետք է լինեն գռեհիկ ու ոչ կոմպետենտ վարորդներՍաշիկ Սարգսյանի որդին՝ Նարեկ Սարգսյանը, հայտնաբերվել է«Առանց մեկնաբանության». Վանեցյանը դեկտեմբերի 15-ին գաղտնալսման հարցով ասուլիս կտա«Ձեր կուսակցության 90%-ը հիմա պետք է արդեն նստած լիներ, այդ թվում նաև՝ դուք». Փաշինյանը՝ Վիգեն ՍարգսյանինԴավիթ Շահնազարյանին կանչել են ԱԱԾ. վերջինս հրատապ ասուլիս է հրավիրումՆա երբեւէ իր դեմքը չի փոխել. հավատարիմ է մնացել իր սկզբունքներին ու իր հայացքներինԱրդարադատության փոխգնդապետ, իրավաբան, պատգամավորության թեկնածու Հայկ Հովհաննիսյանը, իր ընտրողների շրջանում մեծ հարգանք եւ հեղինակություն է վայելում

Սամվել Ալեքսանյանը Երեւանում Դալմային գերազանցող մոլ է կառուցել PHOTO

«Հայկական ժամանակ» թերթը գրում է. «Ազգային ժողովի «Հանրապետական» խմբակցության պատգամավոր Սամվել Ալեքսանյանը Երեւան քաղաքի ամենամեծ մոլն է կառուցել: Armtimes.com-ին հայտնի դարձավ, որ Ալեքսանյանի ընտանիքին պատկանող «Ալեքս հոլդինգ» ընկերությունը շուտով Նոր Նորք վարչական շրջանում կբացի «Մեգա Մոլ Մասիվ» անունը կրող առեւտրի եւ ժամանցի համալիրը: Այն իր մեծությամբ շրջանցում է «Դալմա» եւ «Երեւան» մոլերին:

Նոր մոլի կառուցումը սկսվել էր 2 տարի առաջ, երբ հողին հավասարեցվեց «Մասիվի շուկան»: Նախկինում այդ շուկայում կար ծածկած շուկա, որտեղ միրգ, բանջարեղեն եւ մսամթերք էր վաճառվում:

Սամվել Ալեքսանյանի կողմից հողին հավասարեցվեց այդ շուկան իր հարակից վաճառակետերով հանդերձ: Գյուղացիները մինչ վերավաճառողներին իրենց մթերքը հանձնելը հնարավորություն ունեին ինքնուրույն իրացնել մթերքը, սակայն Ալեքսանյանի մոլի կառուցման ժամանակ կամաց-կամաց նրանք դուրս հրավիրվեցին շուկային հարող տարածքներից, որից հետո առհասարակ զրկվեցին իրացման հնարավորությունից: Շինարարության ընթացքում, երբ մոլի մի քանի հարկը կառուցվել էր, միայն վերավաճառողներին հնարավորություն տրվեց կիսակառույց շենքում փոշու եւ շինարարական աղբի հետ զուգահեռ մթերքի վաճառք կազմակերպել:

«Մեգա Մոլ Մասիվ»-ը տեղակայված է Սաֆարյան փողոցին եւ Գայի Պողոտային հարող հատվածում, որտեղ կա նաեւ «Երեւան Սիթի» սուպերմարկետը: Մեզ հայտնի դարձավ, որ մոլի բացումից առաջ այդ սուպերմարկետը կտեղափոխվի հենց մոլի մեջ, քանի որ սուպերմարկետի տարածքը Սամվել Ալեքսանյանին չի պատկանում, իսկ սուպերմարկետը կվերածվի արդեն հիպերմարկետի: Մոլում կտեղակայվի նաեւ Ալեքսանյանին պատկանող «Վեգա» կենցաղային տեխնիկայի խանութը:

Նոր մոլի տարածքը 52.700 քառակուսի մետր է: Գայի պողոտայից մոլը երկհարկանի է երեւում, սակայն այն 6 հարկ ունի, առաջին երկու հարկերում ընդհանուր տարածքից առանձնացվել եւ ավտոյականատեղի է կառուցվել:

Մոլում նաեւ կլինի սառցադաշտ, պարահրապարակ, կանանց եւ տղամարդկանց համար նախատեսված առանձին մարզասրահներ, ատրակցիոններ, սննդի եւ սպասարկման կետեր, կարտինգի հրապարակ, կինոթատրոն եւ այլն:

Ի դեպ, միրգ-բանջարեղենի համար նախատեսվել է ամբողջ մոլի տարածքի 10 տոկոսի չափով տարածք, այսպես եղավ նաեւ Երեւանի Մաշտոցի պողոտայում տեղակայված Փակ շուկայի վերակառուցումից հետո»:

Այս թեմայով

Լրահոս
Ամենաընթերցվածները
Մամուլի տեսություն