Արցախի հարցում մեծ սխալ է տեղի ունեցել. Բաքուն ներքաշում է Ռուսաստանին

«168 ժամ» թերթը գրում է. «Ռուսաստանի եւ Ադրբեջանի կողմից սեպարատ ծրագրերի մասին խոսակցություններ լինում են մշտապես, քանի որ նման ծրագրերում Ռուսաստանին ներքաշելու ցանկություն ունի Ադրբեջանը: Հենց դա է պատճառը, որ ադրբեջանական կողմը չի ցանկանում շարունակել ավանդական բանակցությունները ԵԱՀԿ ՄԽ ձեւաչափով, որի մասին օրերս խոսեցին եւ՛ Ադրբեջանի նախագահը, եւ՛ Ադրբեջանի ԱԳ նախարարը, որը պետք է Մոսկվայում հանդիպի ԵԱՀԿ ՄԽ համանախագահների հետ:

Սակայն նման առանձին ծրագրեր չկան: Ավելին, կարգավորման համար հիմքեր չկան, քանի որ բանակցություններից դուրս է մնացել Արցախը, առանց որի հնարավոր չէ բանակցել լուրջ հարցերի շուրջ»,- այս մասին «168 ժամի» թղթակցի հետ զրույցում ասել է ռուս քաղաքական գործիչ Կոնստանտին Զատուլինը՝ խոսելով ՌԴ ԱԳ նախարար Սերգեյ Լավրովի այցից տարածաշրջան եւ դրա օրակարգի վերաբերյալ շրջանառվող վարկածների մասին:

Նրա որակմամբ բանակցային գործընթացում ժամանակին մեծ սխալ է տեղի ունեցել, այդ սխալի հետեւանքով այսօր չափազանց բարդացել է հակամարտության կարգավորման գործընթացը: Ուստի, Զատուլինի խոսքով, այդ բանակցությունները՝ առանց Արցախի, վերաբերելու են միայն շփման գծում տիրող իրավիճակին եւ թույլ չեն տալու, որպեսզի իրավիճակը դուրս գա վերահսկողությունից»:

Առավել մանրամասն՝ թերթի այսօրվա համարում

Այս թեմայով

Լրահոս
Ամենաընթերցվածները
Մամուլի տեսություն