Վովա Գասպարյանի հումորը

Չկա կատակ, որն իր մեջ դառը ճշմարտություն չունենա: Նրանք, ովքեր կատակի «զոհն» են դառնում, սովորաբար հակված չեն տեսնել դրա տողատակը, քանի որ իրենց շահերից չի բխում: Սակայն կատակասերները հրաշալի գիտեն, թե որտեղից է սնվում թեմատիկան, ինչպես որ հասկանում են, թե ինչու նման բաները պետք է ասել միայն հումորով: Ցավոք, մեր պետական այրերի մեջ հումորի նուրբ զգացողությամբ օժտվածների թիվը խիստ սահմանափակ է, ինչն էլ իր հերթին ծնում է զուգահեռ հումորային իրավիճակներ:

 

Այս տեսանկյունից բացառություն է ոստիկանապետ Վովա Գասպարյանը: Թեև նրա կատակները միշտ էլ երկիմաստ են, այնուհանդերձ, դրանց սրությունն արժանի է գնահատման: Օրինակ, երեկ Գասպարյանը կառավարության նիստի ժամանակ, տեսնելով Երևանի քաղաքապետ Տարոն Մարգարյանին, դեմքի զարմացական արտահայտությամբ հարցրել է. «Տարոն, էս դո՞ւ ես եկել քաղաքապետի փոխարեն»։


Խելացի մեկը նման հումորային հարցադրում լսելիս գետինը կմտներ: Բայց ոչ Տարոն Մարգարյանը: Նա, բնականաբար, հրաշալի հասկացել է, թե ինչ է ակնարկում ոստիկանապետը, բայց թերևս չի հասկացել ամենագլխավորը` այն, որ իր քաղաքապետ լինելու հանգամանքը նույնիսկ յուրայինների մեջ է զարմանք ու տարակուսանք հարուցում: Եվ այդ «անարդարության» հարվածը մեղմելու միակ միջոցը մնում է սպանիչ հումորը:

 

shame.am 




Այս թեմայով

Լրահոս
Ամենաընթերցվածները
Մամուլի տեսություն